Dimapur nung sen lakh 57 apu

Guwahati, March 22 (Agencies): Lok Sabha elections agitsü lia Nagaland kübok Dimapur nung Assam Rifles-i nisung ka ket nung sen lakh 57 bena lia apu.
Brihostibarnü sen aika apuba ken o ji Dimapur nung Investigation Directorate indang surveillance team-i bushisüngdang südar.
Yasüng 9:00 ako meta nisung ka ket nung sen lakh 57 ji apu aser pa Investigation Directorate ket nung agüja asüngdangya südar.
Lok Sabha elections agitsü osang sangoktsüba sülen Northeast nung sen teimba apubaji iba ya asütsü. Tang tashi nung sen bena aliba nisung indang maitsü memetetdaktsüi lir.
Election agitsü osang sangoktsüba sülen model code of conduct tenzük aser Directorate of Investigation of Income Tax-i northeast nung senotsü amshiba maparen mita reprangdar.