Dimapur nung sentong mashi ayongzüka makatsü

Dimapur, June 10 (TYO): Tawa tanü Dimapur nung lokti tentet kari pei ajangzüktsü nükjidong nung lanurtem jadena toktepdaktsüba sentong “Reality Shows” mesüra “Talent Hunt” ama ayongzüka akar, saka itemji shilem agirtem ajangzüktsüsa meinyaker, anungji tang nungibo itemji District Administration nungi temelaba magiibo mayongzükdaktsütsü, ta sangdong ka ajanga Dimapur DC-i metetdaktsüogo.
Anungji, iba ama sentong ayongzüknertemi jelia temelaba meshitsüla aser temelaba magii item ama sentong ayongzüka kara tapet temerenshi alitsü, ta DC-isa metetdaktsü.