Dimapur nung shishilembar ka kahset

Dimapur, February 2 (TYO) : Dimapur nung tetsür shishilembar ka kahsetba sülen ita ana shi lir, Mongulbar aonung mejangjatetba nisung asemi shishilembar ka kahset.
Taonung 8:30 ako meta old flyover bridge, Burma camp anasa shishilembarji kahset. Tasüsangji Seitinlen (Charlee Hangshing) ta jangjaogo.
Asür Seitinlen (39) ji Paolal Hangshing IAS (Retd)’er jabaso lir aser pai Nyamo Lotha road, Dimapur nung Café 77 ta ser family restaurant ka lapoka liasü.
Asür Seitinlen ji par medemertem den lia mejangjatetba nisung asemji arur, pa dak prangpong agi akah. Idangjisa pa Zion Hospital-i anir ao saka pa len tom nung süadok.
Pa dak injang ana agi akahba zübo keta liasü aser ka tekolak nung aser ka teku nung liasü. Iba osang angazükba sülen police tesem tonga or bushisüngdangdang .32 injang terep ka ngutetogo.
December 14, 2015 nikongtsütsü 6:30 ako meta mejangjatetba nisungtemi Apna Hotel kibur Ritika Mehta lar hotel telung nung kahset.