Dimapur nung SPCAs lokti senden menogo

Dimapur, September 08 (TYO): Society for the Prevention of Cruelty to Animals (SPCAs), Dimapur district tanabuba lokti senden September 7, 2017 nü Deputy Commissioner’s Conference Hall, Dimapur nung menogo.
Iba senden nung SPCAs nükjidongtem, SPSCs Progress Report aser senotsü osang züngsemtem dang zünga metetdaktsü, aser onük kar nung o lemtepa liasü, iba den külemi senden nungsa züngsem 6-i akumba resource mobilization luden ka tenteta liasü.
Ano shisaliok rejutem nung seminar aser social media ajanga awareness agutsütsü atema züngsem 5-i akumba luden kata tentet.
Senden nungsa office aser shiruru jenokdak amenoktsü atema ali/kimong alitsü atema jembi, aser iba atemaji sorkar li maliba ajanga taruba senden nung jembitsü lemteta ayu.
Iba senden ya Deputy Commissioner aser Dimapur SPCAs Tir, Kesonyu Yhome, IAS leniba nung agia liasü.