Dimapur nung State Level Science Drama Competition ali

Dimapur, Mongputeni/Oct. 25 (TYO): Annual (state level) Science Drama Competition (ASDC) sentong October 25, 2024 nü “Science & Technology for the Benefit of mankind” omen kübok Innovation Hub-Nagaland Science Centre, Dimapur nung agia liasü.

Nagaland ASDC-2024 ya PM SHRI Govt. High School Thahekhu ajanga akok, tanabuba jenjang Little Star Hr. Sec. School, Dimapur aser tasembuba jenjang Riverbelt School, Nagarjan, Dimapur ajanga ngua liasü.

Rincho Academy nungi Anitoka S Holo nem Best Actor sempet agütsü aser PM SHRI GHS Thahekhu nungi Mana S Sharma nem Best Actress sempet agüja liasü.

Kekhriesatuo Akashe Z Yhome nem Best Director aser Best Scrip Writer sempet agütsü.

Iba tetoktepba nung takok anguba school, PM SHRI GHS ya state tenüng nung Zonal Level – North-East Zone Science Deama Competition nung tokteptsü, koba November 14, 2024 nü National Science Centre, Guwahati nung agitsü lir.

Iba sentong ya Bendang Walling ya Chief Judge ama aden, shiba theatre practitioner aser film yanglur tejangja, National School of Drama, New Delhi nung Alumni aser Hill Theatre, Nagaland indang Artistic Director lir.

Science Drama Competition ya küm shia agiba sentong ka lir, koba lanurtem artistic sempet sayutsü aser socio-scientific inyakyim balala nung jilushi ya hadir ka ama amshitsü nükjidong lir.

Iba tetoktepba ya State Level nung tenzüker, iba sülen Regional Level alitsü aser tatemsa National Level, The National Science Drama Festival (NSDF) alitsü, koba National Council of Science Museums ajanga ayongzüker aser ketdang asür.

Nagaland ASDC ya Department of Science & Technology, Government of Nagaland ajanga sponsor süa ayongzük.