Dimapur nung tang mezüng Canon showroom lapokogo

November 19, 2015 nü Dimapur nung Canon showroom lapokba sentong nung (abelen nungi ajichi) H K Khullu, Geoffrey Yaden aser Andrew Koh nunger adenba angur. 

Dimapur, November 19 (TYO): Tang mezüng Dimapur nung Brihostibar nü Canon showroom “Canon Image Square” lapokogo; iba showroom ya Hussain building, Circular road, Dimapur nung Consumer Imaging & Information Center, Canon India tatong Tir, Andrew Koh-i lapoktsü.
Iba sentong nung Nagaland Post Editor, Geoffrey Yaden aser (Retd) Additional Chief Secretary, Nagaland, H K Khullu (IAS) nata liasü.
Tang mezüng Dimapur nung Canon store lapokba ajanga company-i shisa lemsatepba aser tongtepratep ajanga customer tem den amaliteptsü, ta Andrew Koh-i ashi.
Paisa, maneni tarutsü nung company-i tesem nung ano store asem lapoktsü, ta metetdaktsü.
Iba store nung DSLR camera range ajak, lenses, PowerShot product tasentem (Zoom series compact camera aser professional compact camera tem) aser IXUS series angutsü. Tanga accessories ji line tripods, camera bags, memory card aser charger densema lir.
Iba dak alia credit card balala ajanga EMI finance facility aser Bajaj Finance ajanga paper finance facility densema lir.