Dimapur nung tashi mangar 135 apu

Dimapur, March 24 (TYO): Addl. Dy. Commissioner of Police/PRO, Dimapur-ia tanga sangdong ka nung March 24, 2020 nü nisung 167 tashi curfew alema senzüba atema apuba osang metetdaktsü.
Kasa mapang nung gari 135 tashi M.V Act alema senzüba atema challan asü, ta Addl. Dy. Commissioner of Police/PRO-isa ashi.
Ano, Dimapur Municipal Council (DMC)-i sangdong ka nung tang nüngdakbatem ayokba Whole sale dealers aser Retailers dang jenjang tur mayoktsü mesüra miimba bendena mayutsü atema tetuyuba agütsüogo.
DMC-i mita aoba mapang aonsotsü ayoker 8 nisung 8-i lateta aliba dang nungi jenjang tur ayokba puteta merenshiogo, ta DMC Administrator, Albert Ezung-i sangdong nung metetdaktsü.