Dimapur nung tasümang ka angu

Dimapur, August 17 (TYO) : August 16, 2015 nü Rail Bazar, Dimapur nung mejangjatetba nisung tasümang ka angu, ta Addl. Dy. Commissioner of Police/PRO Dimapur sangdong ka nung metetdaktsü.
Iba nisung ya arishi küm 45 shi tain asütsü amai repranger aser pa grey shirt den faded jean long pant sema liasü. Pa mang tendanga reprangba nung taitsü ajitettsüsa kecha mangu aser pa ya shirang mesüra achiajem masüba ajanga asüba asütsü amai bilemer, ta Dimapur Police sangdong nungsa shia lir.
Iba tasümang ya Civil Hospital Morgue nung yua lir, ta parnokisa metetdaktsü.