Dimapur nung tasümang ka angu

Dimapur, November 18 (TYO) : November 16, 2015 nü Dimapur Police-i Rail Bazar tesem nungi mejangjatetba tasümang ka nguteta lir.

Iba nisung tereprangtsüji tsümar mesüker aser arishi küm 20 nungi 25 tetsüngda shi ka nung asütsü amai ajiteter. Langka kati pa yirutsüba ajanga pa asüba asütsü amai temulung melemi bilemer aser pa mang District Hospital Dimapur morgue nung yua lir, ta Addl. Dy. Commissioner of Police/PRO Dimapur-i sangdong ka nung metetdaktsü.

Iba dak sendakba osang metetpelanürtemi Sub-Urban Police Station, Dimapur den tongteprateptsü akok, ta sangdong nungsa shia lir.