Dimapur nung tasümang ka angu

Dimapur, June 24 (TYO) : June 24, 2016 nü Rail Bazar Dimapur anasa mejangjatetba tasümang (non-local) ka angu, ta Dimapur Police-i sangdong ka nung metetdaktsü.
Osang angazükba sülen Sub-Urban Police Station nungi police tem tesem tonga ao aser mangji Civil Hospital Dimapur nung Post Mortem agitsü atema bener ao.
Nisung kari danga tasüsang indang maitsü meteta ali nungbo Sub-Urban Police Station Dimapur den 7085055036 ajanga tongteprateptsü mepishir, ta Dimapur Police sangdong nungsa shia lir.