Dimapur nung tasümang ka angu

Dimapur, March 21 (TYO) : Mongulbar anepdang 5:15 ako meta Dimapur Deputy Commissioner office anasa lanur ka indang tasümang angu.
Iba nisung indang tereprangtsüji Naga nunger mesüka lir saka ano tang tashi maitsü mejangjateti lir. Tasüsang indang tejak nung zübo aika keta liasü aser ibaji langka techira ka ajanga yirutsüba ama ajiteter, ta police-i ashi.
Mang rangsa tendanga reprangba sülen District Hospital Dimapur morgue nung yua lir. Iba dak sendakba nung bushisüngdang ka tenzükogo, ta police-isa shisem.