Dimapur nung tasümang ka angu

Dimapur, July 23 (TYO): July 22, 2015 nü Dimapur nung railway lenmang anasa tebur tasümang ka nguogo, ta Addl.Dy.Commissioner of Police/PRO sangdong ka ajanga metetdaktsü.

Asür tarji feet 5.7 talang, sentsü tanak, tesadang ka mangsa aser longpant strip sema lir, aser pa teka tabelen ajem agiba IV Cannula touka liasü, koba ajanga paji shiranger ka liasü aser ajem tagitak liasü ta jangjar.

Asür maitsü jangjatsü aser post mortem agitsü atema tasümangji District Hospital Dimapur-i bener aoba sülen asürji arishi küm 24 Zuchamo lir, ta hospital kedangsertemi jangjaogo. Asür tsürabur mesüra par ki telitakji mejangja, aser pa July 13 nungi District Hospital Dimapur nung monga liasü, saka hospital ketdangsertemi memeteti July 21 nü pai hospital toktsür ao. Tasümang maitsü taliba jangjatsü aser kinüngertemi agizüktsü asoshi civil hospital morgue nungsa yua lir, ta kasa sangdong ajangasa metetdaktsü.