Dimapur nung tasümang ka ngua lir

Dimapur, May 31 (TYO): May 29, 2019 nü Eros Lane, Dimapur nung aliba hotel ka nung tzümar tebur ka alenseta sür angu; pa indang identity card ajanga asürji Torkhaigoanpari, Jorhat, Assam nungi Dalal Dasa’er jabaso, Dipankar Das lir ta jangjaogo, ta Hokolbarnü Additional Deputy Commissioner of Police/PRO, Dimapur-i sangdong ka nung metetdaktsü.
Post-Mortem agiba sülen tasümangji Dimapur District Hospital morgue nung yua lir, anungji asür kinünger mesüra medemertemi Officer-in-Charge /East Police Station, Dimapur den tongteprateptsü mepishia metetdaktsür, ta kasa sangdong nung shia lir.