Dimapur nung tebur chanu ka tsükset

Dimapur, February 24 (TYO): Hokolbarnü Dimapur kübok Burma camp anasa gari lendong ka nung tebur chanu ka asü aser pa tetsü kanga mejungi yiru.
Iba lendong ya Hokolbarnep 8:30 ako meta atalok. Tetsü o jabaso na amenba two wheeler (Scooty) dak truck gari kati atsükdang tanubosang tsükset.
Burma camp police point anasa truck gariji lenmang nung aliba ongken ka paidokdang Scooty dakji atsük, ta Dimapur Traffic police ajanga metetdaktsü.
Iba mapang arishi küm 2 ser tesadang tain tanubosang asü aser tetsüji kanga mejungi yirur District Hospital Dimapur-i anir oa anepalu saka idak nungjagi la Guwahati-i anir ogo ta osang angazüker.
Tetsü tenüngji Subha ta jangjaogo aser lai jabaso Scooty nung mener school-i aodang lendongji ajuru.
Iba dak sendakba nung truck gari aser driver police-i pua lir aser ken o ka benokogo.