Dimapur nung telungpur 3 apu

Dimapur, November 28 (TYO) : Osang tejangja kar angazükba sülen November 25, 2016 nü Dimapur Police-i Dimapur Railway Station nung nisung asem apu.
Par asemji nokdanga aliba telok kar nung züngsem lir aser parnok Dimapur nungi tanga state temi aotsü lia apu, ta Addl. Dy Commissioner of Police/PRO, Dimapur-i sangdong ka nung metetdaktsü.
Par asem rongnung, Chirang, Assam nungi Reshman Basumatary’er jabaso Swosilang (Durga) lir aser pa ya NDFB (S) nung ‘Private’ aser Goalpara, Assam nungi Josen Sangma’er jabaso Likarson Sangma aser pa ya Meghalaya nung LAEK Organisation züngsem ka ta osang angazüker.
Tena den külemi, Aghunato, Nagaland nungi Zuhoto Awomi’er jabaso Nagaho Awomi lir aser pa ya NSCN(K) nung ‘Leacy’ ta osang lir. Parnok ajak police ket nung lir aser maneni asüngdangya südar, ta Dimapur Police sangdong nungsa shia lir.