Dimapur nung temesepba chiyongtsü apu

Dimapur, Chiteni/July 25 (TYO): Hopta ana tsüngda Excise department, Nagaland Narcotic Cell puri ozüng alema temesepa mozü aser yi shibelena ayokertem ishika puogo.
July 10 nü Narcotic Cell-i Dimapur 4th Mile tesem nung N. Chishi’er jabaso Izuto ket nungi IMFL bottle 2004 apu.
Kasa mapang nung July 22 nü Inter-district Excise check-gate Chumukedima nung Sing Katar’er jabaso Adison Katar ket nung Ganja seret 30 bena lia puogo.
Maneni July 25 nü Dimapur kübok Burma Camp Colony nung alir Kivi Katty kinungtsü Visheli Katty ket nungi Spasmo-Proxyvon caspsule 3009 aser Nitrosun tablet 64 puogo.
Aija alirtem ajaka NLTP Act 1989, NDPS Act 1985 aser D&C Act 1940 kübok sections tapet dak ajemdaker aija puogo. Aija alirtem ket nungi apuba osettem ajak Malkhana-i yokogo, ta Dy Commissioner of Excise, S. Chanlei Angh-i sangdong ka ajanga metetdaktsü.