Dimapur nung temesepba mozü aika apu

Dimapur, November 01 (TYO): Excise Department, Narcotic Cell nungi AIEs- Tiameren aser Nokcha Ao, constable- Tokaho aser Merila nungeri mapang tatsüka mita aliba sülen October 31, 2017 nü Dhobi-Nullah, Dimapur nung sen 60,000 shi jenjang temesepba mozü ‘Methamphetamine’ 1000 apu, ta Bodhbarnü Deputy Commissioner of Excise (N’C) Nagaland; Dimapur, Kevisetuo Angami-i sangdong ka ajanga metetdaktsü.
Iba ken o dak sendakba nung Railway Colony, Dimapur nung alir arishi küm 38, Merry (Kapisa) apu aser NDPS Act 1985 kübok tapet section nung ajemdaker ken o ka benokogo, ta sangdong nungsa shia lir.
Methamphetamine ya psychotropic mozü lir – aser iba mozü ya talisa SE Asia nung adoker. Iba mozü dang ya YABA, WY, R-7 aser party drug ama tenüng balala ajar.