Dimapur nung tetsür teloktem den Interpersonal Communication (IPC) sentong agi

Dimapur, December 17 (TYO) : Nagaland State AIDS Control Society (NSACS)-i December 14, 2016 nü Master Trainers of Inter-Personal Communication Campaign (IPC) atema Re-orientation Programme ayongzüka agiogo.
Iba sentong ya CMO’s Conference Hall, Dimapur nung agi aser tetsür lennir 19 tashi aden.
Master Trainers rongnung Naga Women Hoho Dimapur, Western Sumi Totimi Hoho, Chakhroma Women Organization aser All Dimasa Women Welfare Society nungi liasü.
Dimapur CMO, Dr. Vikato Kinimi-i sentong nung adenertem pela agizükdang, HIV & AIDS anema rara nung tetsür lennirtemi meranga inyaktsü ajungshi.
Iba sentong nung shisalen agütsürtemji Dr.Vikato Kinimi, CMO Dimapur, Dr. Hotoka Hesso, SMO, ART Plus Centre, DH Dimapur, Metevinuo Sakhrie, Joint Director (IEC) , NSACS aser Chongkoi Khaming, Asst. Director (MM), NSACS nunger liasü.
Tetsür telok pezü nungi lennirtemi Dimapur district kübok villages/colonies/wards 70 nung village level IPC campaign agitsü.