Dimapur nung tetsürtem atema Anaemia screening camp agi

August 30, 2019 nü Department of Social Welfare Dimapur District-i School Education aser Health & Family Welfare den yaritepa Anaemia screening camp alidang tangokba noksa angur.

Dimapur, August 30 (TYO): August 30, 2019 nü Department of Social Welfare Dimapur District-i School Education aser Health & Family Welfare department tem den külemi tetsürtem atema Anaemia screening camp ka agiogo.
Iba sentong ya Urban Primary Health Center, Burma Camp, Dimapur nung agi aser omenji ‘Prevention of Anaemia in Adolescent girls and women in reproductive age group’ liasü.
Iba sentong nung Dr. Chamzai Newmai, MO-i anaemia adokdaktsüba, anepaluba aser jenbua alitsüba indang osang metetdaktsü.
GHS Burma Camp nungi tetsür kaketshir 70 den tesayur 4 tashi screening tests agi. Iba sentong nungsa tanur tila tetsütem aser mashisa tetsürtem aden.
Temang tendanga reprangdang kaketshir 20 tashi anaemic ta putet aser tadener ajak nem Iron aser Folic Acid (IFA) süngjangtem agütsü.
Iba sentong nung Dimapur District kübok Project CDPOs aser Supervisors 6 aden.
Iba mapa ya National Nutrition Mission aser District Convergence Action Plan kübok Rashtriya Poshan Abhiyan atema inyakba lir.