Dimapur nung tetuyuba ana agütsüba jangjatsür

Dimapur, April 6 (TYO): Dimapur district nung Commissionerate system aliba ajanga tetuyuba balala ana agütsür, kechiyong Arrla 144 Cr.PC kübok tenokdangba agütsüba tashiji Commissioner Police Dimapur ket nung lir.
Külen, Disaster Act kübok dokan lapoktsü/shibangtsü indang tashiji Deputy Commissioner Dimapur ket nung lir.
Nagaland kübok tanga district tem nungbo Commissionerate maliba ajanga Deputy Commissioner-i dang tetuyuba ka agütsür aser Arrla 144 Cr.Pc kübok tenokdangbajia DC-i dang agütsür.
Anungji, Dimapur nung DC aser CP nati tetuyuba balala agütsüba nung nübortemi meratatsüla kechiyong iba ya office ana tsüngda tongtepratep melii mesüra tashi amshia inyakba masü saka ozüngi melaba ama inyakba dang lir.