Dimapur nung UPLF züngsem 6 apu; Dimapur

Dimapur, September 18 (TYO) : September 16, 2015 nü Dimapur Police-i Dimapur nung United Peoples Liberation Front (UPLF) züngsem 6 apu.
Assam nungi Dimasa telungpur telok UPLF züngsemtem Dimapur nung lir ta osang tejangja angazükba sülen, police-i parnok aputsü bushitepa aodang nisung 6 apu, ta Addl. Dy. Commissioner of Police/PRO Dimapur-i Hokolbarnü sangdong ka nung metetdaktsü.
Parnokji, Abinon Phonglo ‘SS’ Lance Corporal, Mubarak Hasnu ‘SS” Lance Corporal, Repench Garlasa ‘SS Corporal, David Nunisa ‘SS’ Corporal, Sonu Rabha ‘SS’ Corporal aser Maifrang Jigdung ‘SS’ Pvt nungertem lir, ta Dimapur Police-isa sangdong nung shia lir.
Parnok ket nungi taitsü aketba kulikakettem ngutetogo aser East Police Station nung ken o ka benokogo, ta Dimapur police-isa ashi.
‘Leaders Arise Nagaland’ omen kübok Dimapur Police Commissionerate nung ketdangsertem atema shisadokten sentong ka agi.
Iba sentong nung tongti o jembirji Rev. Luoliehu Yimsung, Coordinator-Global Indigenous Prayer Network, Australia; Initiator & Ambassador at large- Overseas Naga Association liasü.
Shisalen sayuri police atema aria bilemja iba sentong ayongzüka agiba atema kanga pelar, ta Addl. Dy. Commissioner of Police/PRO Dimapur-isa sangdong nung metetdaktsü.