Dimapur nung Van Heusen store lapokogo

Dimapur, Luchii/December 15 (TYO): Aditya Birla Fashion & Retail Limited-i India nung nüngtugu fashion brand Van Heusen indang store tasen ka Dimapur nung lapoktsüogo. Luchii/December 14, 2018 nü Dimapur nung lapoktsüba store ya North East nung tulutiba asütsü.
Dimapur tiyong nung lapoktsüba Van Heusen store tasenba tasazükji sq.ft 2600 shii lir. Iba store nung tebur aser tetsür atema sübosülemtsü tem corporate suits nungi fashion jackets, casual work-wear nungi club wear aser asen temang dak azütsüsa accessories tetemjemtem abensa lir. Item den külemi, store tasenba nung Van Heusen indang ‘Men’s & Women’s Innerwear’ aser Athleisure fashion sübotsütem angutsü.
Store nungsa, Van Heusen indang sub-brands – VDot aser VH Sport sübosülemtsü tem densema angutsü. Iba sub-brand ya casual wear fashion ka lir kong tetsür aser tebur naprong atema styles aser design tasen aketba sübosülemtsü tem angutsü.
VH Sport nung teka agi mechiba, stretchable fabric aser linen sü agi yangluba sübosülemtsü tem angutsü aser item süoshiji office, kazüdang aser kima yimdong nung senzüdang asemba süoshitem asütsü.