Dimapur nung Vodafone 3G service tenzükogo

Dimapur, December 06 (TYO): Vodafone India-i tawa Nagaland kübok Dimapur nung Superfast 3G services tenzükogo.
Iba ya ajanga Dimapur nung nisung lakh 1.2 (Census 2011 data) den timba kati tang tamshidak 3G den Vodafone 3G services tekaraba aser tajungba nung amshitettsü, ta company sangdong ka nung metetdaktsü.
Dimapur nung customer ajak nem high speed mobile internet services agütsütsü nükjidong nung Vodafone-i 3G towers tasen 70 tashi enoksemogo aser ano maneni tesem balala nung enoktsü, ta parnokisa ashi.
3G network tenzükba ajanga tang tamshidak 3G jenjang nungdang Dimapur nung aliba customers-i ‘faster, smarter, better speeds & superior data’ amshitettsü, ta Alok Verma, Business Head- Assam & North East, Vodafone India-i ashi.
Vodafone-isa ‘3G Experience Card’ ta ser customer tem asoshi angati tenzükogo aser iba ya Dimapur nung Vodafone Mini stores & multi retail outlets ajak nung angutsü.
Vodafone-i shilem balala lemsar Assam & North East Circle nung 3G network tenzükyonga aoer. Assam & North East Circle nung Vodafone India amshir customers 4.7 million shi lir aser parnok rongnung shilem 40-i data amshir.