Dimapur nung ‘Year of Construction Worker’ sentong agi

Hokolbarnü ITI Women, Seithekiema nung training tagidak mapang tangokba noksa ka angur. 

Dimapur, July 09 (TYO): July 08, 2017 nü Govt Women ITI, Dimapur nung “Year of Construction Worker 2016-2017” valedictory sentong agi.
Iba sentong ya Directorate of Employment, Skill Development & Entrepreneurship-i ayongzüka sponsor asü aser Youth Net den Zynonique-i achaayanga liasü.
Iba programme ya May ita nung tenzük aser tang tashi nung district 7 ayimjemogo aser ano district 4 anünga lir.
Ano mayimjemi aliba district 4 ji- Mon, Longleng, Zunheboto aser Kohima district tem lir.
Dimapur district nung nisung ajak agi parnok 51 training agi aser dimapur densema district tenet nung nisung ajak agi parnok 350 training agiogo.
Iba sentong nung jembidang Labour, Employment, Skill Development & Entrepreneurship Comm. Secretary, Bendangkokba IAS-i lanurtem nem tenüngsang agütsüba den külemi meranga inyaktsü ajungshi.
Paisa, tarutsü nunga lanurtem nem item ama training agütsütsü atema department-i bilema atatsü, ta metetdaktsü.
Training programme nung telok 4- Red, Blue, Black aser Green lemsa aser telok ajaki parnoki ajangshibatem lemsatepa liasü.
Sentong nungsa Monitoring & Evaluation team, Directorate DEO Savio-ia jembi.
Zynorique initiative chairman, Richard Belho-i certificates lemtsü aser tepela oa jembi aser UDA women ITI Tsarang-i saradsadema liasü.
Iba sentong ya Zynorique initiatives Kevitsu doze leniba nung agi aser sentong nungsa best team, red team aser best trainer, Kidongmeren Longkumer nem sempet agütsü.