Dimapur nung Yoga Camp tenzük

Dimapur, February 14 (TYO) : Deobar nungi Dayanand Vidya Niketan School Campus, Purana Bazaar, Naharbari nung anogo 15 nü Yoga camp ka tenzükogo.
Iba sentong ya Arya Samaj ajanga ayongzüka agir aser tanü NPF Minority Wing tir, Bishnu Bhattacharjee-i Santosh Shastri, Amit Shastri, Imti Jungsi aser Dayanand Vidya Niketan nungi Naro Ao nungertem lia camp lapoktsü.
Iba sentong nung Yoga guru Ramashankar Shiromoni-i Yoga Class agitsü. Pa ya Delhi nung Swami Dhirendra Brahmachari indang nütsüng ka lir.
Sentong nung NPF Minority Wing tir, Bhattacharjee-i o jembidang, temang anema ayutsü atema exercise agitsü aser kaketshirtem aser lanurtemi meditation agitsü tayongzükba agütsü.
Shisaliok den temang anema aliba ajanga tejakleni aotsü aser terenlok angutsü, ta paisa ashi.