Dimapur nungi nisung 17 Kiphire tongogo

Kiphire, Aami/June 08, 2020 (TYO): Dimapur nungi nisung 17 tashi NST bus ajanga Hombar anepdang Kiphire tonga liasü.
Tarurtem ya Kiphire jila atongba mapang, helipad nung Deputy Commissioner Sarita Yadav den külemi ADC, Police aser Medical staff temi parnok agizük. Kiphire tonga arur rongnung tebur 12 aser tetsür 5 dena lir aser iba mapang parnok ajak tenüng züluok aser tejak nembangba mask lema agütsü.
Screening agiba sülen, Sorkar tetuyuba ama anogo 14 quarantine asütsü atema tarurtem ya Loyola Higher Secondary School building Kiphire nung lapoka aliba Institution Quarantine-i anir ao, ta sangdong ka ajanga metetdaktsü.