Dimapur nungi tetsür kati CFA (International) takok angu

Dimapur, Rongjui/September 08 (TYO): Dimapur nung Chartered Accountant, Ajit Jain’er jala, Harshita Jain-i tatidang level asemprong nung junga takok ngua CFA, International (Chartered Financial Analyst, U.S.A.) kümogo.
Harshita-i Delhi Public School, Dimapur nungi class 10 tatading nung takok angu, Delhi Public School, R.K. Puram, Delhi nungi class 12 nung takok angu aser Delhi University kübok Hansraj College nungi Commerce nung Honours Graduate asü.
Lai mezüngbuba tatidang nungsa takok ngua 2017 küm Aenjeti/January ita nung Chartered Accountant akum.
Lai ashiba agi, lai iba takok anguba miim tashiji meranga inyakba aser tsürabur o adianutemi la junga anitetba ajanga lir, ta ashi.
Harshita Jain ya Reliance Industries Limited nung teinyakdak mapang CFA International atema meranga liasü.