Dimapur Open-cum-Inter-School Table Tennis asayamung alitsü

Dimapur, October 4 (TYO) : 4 buba Dimapur Open-cum-Inter-School Table Tennis asayamung nung shilem agitsüpur school temi October 6, 2015 tashi nung form agüjang ta tanü sangdong ka nung metetdaktsü.
Iba asayamung ya Dimapur District Table Tennis Association (DDTTA) ajanga ayongzüker aser school o Table Tennis asayartemi October 6 matongdang Multi-purpose Indoor Stadium, near DC court junction nung nikongtsütsü 3:00 ako sülen form agütsütsü akok, ta Dilip Sharma, General Secretary, DDTTA-i sangdong ka nung metetdaktsü.
Iba asayamung ya October 9 anepdang 9.30 ako nung Dimapur DC, Kesonye Yhome-i lapoktsütsü aser October 10 nikongtsütsü 3:30 ako nung tembangba sentong nung tetushi süa jaokerji Bishnu Bhattacharjee, President, NPF Minority Wing alitsü ta sangdong nungsa shia lir.

You must be logged in to post a comment Login