Dimapur Police-i bike auyartem apu

Dimapur, Chiteni/July 07 (TYO): Chiteni 5, 2018 anepdang 1:50 ako meta Dimapur Police-i Motorcycle auyar ana Kuhoxu village junction nung apu, aser tena ket nungi Gixxer motorcycle tanak ka, Regd. No. NL07-M-6436 Chassis No. MB8NG4BAFF8155995 Engine No.BGA1162159 apu, ta tanü Addl. Dy. Commissioner of Police/PRO, Dimapur-i sangdong ka nung metetdaktsü.
Tai tonglokja alir anaji Niuland kübok Kuhoxu village nungi asür, Hovito Achumi’er jabaso arishi küm 21, Puloto Achumi aser Niuland kübok Kuhoxu village nungi Pekiye’er jabaso arishi küm 20, Kakiye Achumi na liasü.
Mezüng bushisüngdang ajanga, motorcycle ji Chiteni/July 2, 2018 nü Nikos hospital, Dimapur nung auya aser motorcycle kiburji Tobi Ayemi lir ta jangjaogo; iba dak sendakba nung West Police Station Dimapur nung ken o ka benokogo, ta kasa sangdong ajangasa metetdaktsü.