Dimapur Police-i District Level debate ayongzüka agi

Dimapur, August 21 (TYO): August 20 Commissioner of Police office, Dimapur indang Conference hall nung Dimapur Police-i ‘Naga customary practices and traditions are in tune with changing times’ onük nung ajemdaker District Level o toktepba sentong ka ayongzüka agiogo, ta Addl. Dy. Commissioner of Police/PRO, Dimapur-i sangdong ka nung metetdaktsü.
Iba tetoktepba nung police ketdangser aser police 15-i shilem agi. Tetendangertemji Ajungba Imchen, Chief Judicial Magistrate (CJM) Dimapur, V.Lovitoly Addl. Dy. Commissioner (ADC) Dimapur aser R.T Chang Addl. Dy. Commissioner of Police (Adm) Dimapur nunger liasü.
Iba sentong nung Limasunep Jamir IPS, Commissioner of Police Dimapur-i okila jembi. Range Level debate competition atema shimertemji: Motion nungi 1st position UBSI M.C Rutsa aser 2nd Position Hav. Peter Sangtam na liasü. Against the Motion nungi 1st Position UBSI Athiubo Zeliang aser 2nd Position UBSI Hachio Kikon na liasü.