Dimapur Police-i drugs distributer dokan ka nung mozü aika apu

Dimapur, Aenjeti (January) 17 (TYO): Aenjeti 16, 2018 nü osang ka angazükba sülen Dimapur Police-i mita aodang NL Road, Dimapur nung Holy Cross Point anasa aliba M/S. Zee Drugs Distributor nung Spasorid poxivon capsule 1,40,000, Alprozolam tablet 2,16,800 aser Codectuss cough syrup pongdang 1550 apu; ibaji sorkar tetuyuba nung ‘prescribed limit’ alema lir, ta Addl. Dy. Commissioner of Police/PRO, Dimapur, Nagaland sangdong ka ajanga metetdaktsü.
Iba dak sendakba nung tang Thahekhu nung telidak, Wdaipur district kübok Ghaighat yim nungi Ted Bahadur Rai’er jabaso arishi küm 34, Durga Rai apu aser maneni bushisüngdangdar, ta sangdong nungsa shia lir.