Dimapur Police-i FIR ka nung ajemdaker nisung 2 apu

Dimapur, January 03 (TYO): January 02, 2018 nü 50 Coy ASC (Sup) Dimapur, Maj Bijendra Singh Shekhawat-i FIR ka benoka liasü, aser iba FIR nungji pai ashiba agi, Bikaner Jaipur nungi Dimapur tashi Agarwal packers & movers-i pa nija ki osettsüset belenba pai ket atongdangbo auyar aser raksar liasü ta shia lir, ta tanü Addl. Dy. Commissioner of Police/PRO, Dimapur, Nagaland-i sangdong ka ajanga metetdaktsü.
Iba dak sendakba nung ken o ka benok aser gari anisang den handyman naprongla puogo (Md Mabisha Ali’er jabaso, Md Mabud Ali aser Fajar Rehman’er jabaso Ralib Ali), aser tenaprong ghonda 72 atema court nem agütsü, aser police-i maneni bushisüngdangdar, ta kasa sangdong nungsa shia lir.