Dimapur Police-i gari auyar kar aser pistol bena alir kar puogo

Dimapur, October 1 (TYO): September 29 nü Showuba out post mitba mapang Dimapur police-i auyaba gari ka nung parnok nisung pongu mener lia puogo, ta Addl. Dy. Commissioner of Police/PRO-i sangdong ka ajanga metetdaktsüogo. Par ponguji Ramesh Murshe, Arjun Bahadur, Robin Rai, Augustine Sangma aser Konu Satanmi nunger liasü ta jangjaogo. Asüngdangyaba mapang parnoki iba gariji 5th Mile Model village, Dimapur nung auya ta ashiba sülen kibur nem gariji meyipa agütsüogo aser Diphupar Police Station nung ken o ka benoka bushisüngdangdar, ta paisa shisem
Ano tanga tatalokba ka nung September 29 nü Dimapur Police-isa Yekiho Yepthomi’er jabaso Samson Yepthomi (30), Keneth Horam’er jabaso Richie Horam Ramchuichen (35) aser asür Dabsor Borah’er jabaso Rupam Borah (30) nungeri Honda Mobilo gari ka Assam nungi kulikaket taila aser registration taila enoker ayoktsü lia apu. Iba gari ya auyaba südi ta mulung melemi bilema bushisüngdangdagi, ta kasa sangdong ajanga ashi.
Maneni Zone – II kübok aliba Dimapur Police-i Ghonito Aye’er jabaso ‘SS’ 2nd Luiet, FGN Khekivi Aye, Xukishe Shohe’er jabaso Atoi Shohe aser Sunil Dutta’er jabaso Ankul Dutta nunger Ghorapatti tesem nungi puogo, aser parnok ket nung ozüng alema bena aliba .32 pistol ana ngutetogo. Iba dak sentakba nung bushisüngdangtsü asoshi West Police Station nung ken o benokogo, ta kasa sangdong ajangasa metetdaktsü.