Dimapur police-i lokti azüoktsü terenemshitsü sentong agi

Dimapur, April 07 (TYO): Dimapur police-i longkak aiter mesüra rarateper lokti azüoktsü terenemshitsü sentong ka Dimapur stadium nung tanü, Brehostibar nü agiogo.
Mapang shia agiba ama aser police ketdangsertem kümdangshia alibaren tendangtsü nükjidong nung tanü sentongji agia liasü.
Tanü sentong nung Commissioner of Police, Dimapur, Liremo Lotha aser tongti police ketdangsertemi shilem agia liasü.
Tensa tamajung nung nüburtemi teka agi onloktsüba aser lijak agi kaloktsüba lung aser iba amala osettsüset nungi police ketdangsertem kümzüktsü asoshi yangluba merang jung ka sayua kasaji amshitsü tesayuba agütsü.
Ano, truck gari nung mesenlokba tzü akatsü oset amshia longkak aiter mesüra rarateper lokti azüoktsü tesayuba agütsüba den külemi, tenük mesepdaktsüba tango aser merangjang madenba prangpong injang kadoka tanü sentongji agia liasü.