Dimapur Police-i ‘Medical First Responder Team’ tenzük

Dimapur, May 17 (TYO): Dimapur Police-i “Medical First Responder Team” squad ka tenzükogo aser iba nung Ambulance ka aser Motorcycle 2 lir.
May 15, 2017 nü iba squad tenzüktsüba sentong nung Deputy Commissioner of Police (Traffic), P. Sendongmeren, NPS-i ashiba agi, “lendong atalokba sülen mezüngbuba ghonda dang “Golden Hour” ta ajar aser iba mapang medical treatment shitak agütsüra, nisung taküm ka kümzüktsü akok.”
Medical First Responder Team tenzükba ya nisung takümtem kümzüktsü aser sensotem yaritsü atema lir, ta P. Sendongmeren-isa shisem.
Iba sentong nung Commissioner of Police, Dimapur, Limasunep Jamir, IPS-i pa indang office nungi Squad ji tenzüktsü.
Iba squad ya Dimapur Traffic Police kübok mapa inyaktsü aser Medical First Responder Team ji Traffic Control Zone-I aser Zone-II nung gari dak sendakba lendongg ajurudang yariteptsü.
Central Training Institute, Toluvi nung Dimapur Traffic Police aser Homeguards nungi nisung 12 nem first aid aser Pre Hospital Treatment indang training agidaktsü.
Gari lendongtem dak sendakba nung item mobile number ajanga tongteprateptsü akok.
Dimapur Traffic Control- I  : @ +91 7085055038
Traffic Control -II  : @ +91 7085055039