Dimapur Police-i metetdaktsür

Dimapur, Aami (June) 9 (TYO): WhatsApp aser tanga social media nung tawa yimtsüngtem nung nisung sümanga odaktsütsü oset aser mozütem abener aser tanur apurtem senzür ta osang kar prokshiba osang angazüker.
Iba ama tatalokbatem ajurura public-i teka maitsüla saka police dang tekaratiba nung osang sangoktsütsü metetdaktsür, ta Addl. Dy. Commissioner of Police/PRO, Dimapur-i sangdong ka nung ashi.