Dimapur Police-i MRT tenzükogo

Dimapur, July 13 (TYO): July 10, 2017 nü Commissioner of Police, Dimapur, Limasunep Jamir, IPS-i Dimapur Police indang Motorcycle Response Team (MRT) tenzükogo, ta Brihostibarnü Addl. Dy Commissioner of Police/PRO, Dimapur, Nagaland-i sangdong ka nung metetdaktsü.
Tang Dimapur police indang Mobile Unit (MU)-i Dimapur tesem ajaklen mita senzüdar aser iba dak alia maneni MRT ya ‘Mobile component’ tasen ka tenteter lir.
MRT nung motorcycle 6 lir aser motorcycle shia züngsem ana aliba team-i tongtibang tesemtem mita senzütsü aser tekaratiba nung mapatem inyaktsü.
MRT-isa mayimjemba tesemtem colony tem nung kinükkisang lenmangtem nung mita senzütsü. Tang mezüng tendanger ama East Police Station aser West Police Station na nem motorcycle teams asemsem lemzüktsüogo, aser tarutsü nung maneni tanga police Stations-a ayimjemtsü nükjidong lir, ta kasa sangdong ajangasa metetdaktsü.