Dimapur Police-i nisung 4 apu

Dimapur, Yimpoksüi (November) 26 (TYO): November 20, 2018 nü Dimapur nung Riven Honda Showroom nung injang khaloktsüba dak sendakba nung West Police Station, Dimapur Police nung ken o ka benoka lir.
Iba ken o bushisüngdang arudang police-i temulung melemi bilemer nisung asem pua lir aser maneni bushisüngdang südar, ta Addl. Dy. Commissioner of Police/PRO, Dimapur-i metetdaktsü.
Maneni, November 26, 2018 nü Dimapur Police-i arishi küm 31 tain Kughato Swu apu.
Pa ya Khehokhu, Dimapur nungi M. Swu’er jabaso ta jangjaogo aser pai Dimapur jila nung tenla ki yangluba tesem nungi tashiyim agi sen meshiba atema tai tonglokja apu.
Iba dak sendakba nung Diphupar Police Station nung ken o ka benokogo, ta Addl. Dy. Commissioner of Police/PRO-isa metetdaktsü.