Dimapur Police-i nisung 4 apu

Dimapur, April 18 (TYO): Vidima nung tsümar kar dak teka sangshiba aser video clip ka prokshiba atema Dimapur Police-i April 18, 2020 nü nisung pezü puogo.
Tanü police-i Valen Sote, Medovi Kiso, Thejasekho Sirie aser Vilakhotuo Vizo nungertem apu. Iba dak sendakba nung Sub Urban Police station nung ken o ka benokogo, ta Adl. Dy. Commissioner of Police (Crime), Dimapur-i metetdaktsü.
Public-i social media sabang balala nung noksa/video tem kanga kümdanga prokshitsüla. Asenoki mebilemdangi noksa/video prokshiba ajanga Nagaland adener tangalen oa aliba kaketshirtemi timtem ajurutsü ana nung dang lir, ta Adl. Dy. Commissioner of police (crime)-ia ashi.
Iba mapa inyakertem IPC aser information Technology Act kübok temerenshi alitsü, ta paisa shisem.
Maneni, Dimapur kübok Nihoto nunger Heveto Awomi ta ser nisung ka police-i puogo.
Tsümar kar car tape recorder ka amshia screening asüba video ka prokshiba dak sendakba nung police-i Heveto apu. Iba dak sendakba nung Diphupar police station nung ken o ka benoka lir.