Dimapur police-i ozüng alema inyaker 17 apu; tasümang ka angu

Dimapur, October 08 (TYO): Dimapur kübok Chumukedima Check Gate nung duty nokdakba police ketdangsertemi taoba mapang auyaba Tata Sumo gari ana tashi tanü Brehostibar nü bushitetogo.
Tanü apuba gari ana nungji taila registration plate enoka aliba bushitetba sülen police-i bushisüngdang sentong agitsü asoshi okadak tapet ken o benoka lir.
Dimapur mobile patrol police ketdangseremia ozüng alema tongpang nung amshitsü prangpong, .32 pistol ka abener ka, Myingthungo Ovung Dimapur kübok Blue Hill station nung yashi, Bodhbar nü apuba osang jangajogo.
Zone-II kübok densemba Dimapur police ketdangsertemi Dimapur kübok Sub-Jail kiyong nung tashiyim agi sen akhanger ana, Nikato Awomi aser Daniel Chishi na yashi apuba osanga jangjaogo.
Tena ket nungi tashishitsü aketba shidi kar aser sen ishika bena arua liasü.
Chumukidema Check Gate nung duty nokdakba police ketdangsertemi Inner Line Permit (ILP) mebeni alir nisung 14 tashi yashi apuba sülen parnok anema okdak tapet ken o benoka lir.
Ano, Dimapur kübok Kushibill kiyong anasa, Dhansiri ayong nung kanga mejungi shizüka orr aliba mejangjatetba tetsür chanu ka tasümang yashi Bodhbar nü anguba osang jangjaogo.
Tasümangji tang Dimapur District Hostipal nung aliba tasümang ayudak yua lir.