Dimapur Police-i ozüng alema inyakertem apu

Dimapur, Luroi/August 24 (TYO): 22.08.2018 nü Dimapur Police-i nisung ka tenüng agi Akato Awomi apu aser pa ket nungi .22 Pistol (Country made) ka den magazine ka aser .22 live round ka apu; iba dak sendakba ken o bushisüngdangtsü atema East Police Station nung ken o ka benokogo, ta Addl. Dy. Commissioner of Police/PRO, Dimapur-i sangdong ka nung metetdaktsü.
22.08.18 nü Dimapur Police-i PS- Udwant Nagar, Dist- Bhojpur, Bihar nungi asür Nagen Singh’er jabaso, Pappu Singh (43) apu; pa ket nung Spasmo Proxyvon capsule packet 55 (7920 capsules) bena liasü, iba dak sendakba nung GRPS nung ken o ka benoka bushisüngdangdar, ta kasa sangdong ajanga metetdaktsü.
23.08.18 nü Dimapur Police-i V/o. Boyapati @ Boyanagar, P/S-Nutun bazar, Shivbari Road, Nagaon (Assam) nungi asür, Lt Abdul Hasim’er jabaso, arishi küm 27, Rafikul @ Rifiq Islam (tang Saturday Bazaar, Ward – 4, Chumukedima nung telidak) apu, pai par jala arishi küm 2 ½ dak tim masüba mapa inyakba atema apu; iba dak sendakba ken o maneni bushisüngdangtsü atema Women Police Station nung ken o ka benokogo, ta sangdong nungsa shia lir.
21/08/18 nü Dimapur Police-i Dimapur yimti kübok tesem balala mita aodang IMFL yi case 500 apu; iba dak sendakba nung NLTP ken o pezü East aser West Police Station na nung benokogo, ta kasa sangdong ajangasa metetdaktsü.