Dimapur Police-i SARAIS Act 1867 indang nenshia metetdaktsür

Dimapur, August 25 (TYO) : July 29, 2015 nü SARAIS Act 1867 atema sangdongba nung ajemdaker Dimapur district telongtet nung aliba Hotels, Lodges, Inns, Guest Houses aser Resorts kiburtemi August 31, 2015 tashi nung SARIAS Act 1867 kübok tenüng züluoktsü metetdaktsür, ta Addl. Dy. Commissioner of Police/PRO, Dimapur-i sangdong ka nung metetdaktsü.
SARIAS Act 1867 indang form tem Commissioner of Police, Special Branch, Dimapur indang office nung angutsü aser iba tetuyuba sülen manidakertem ozüng nung aliba ama merenshitsü, ta Dimapur Police-isa metetdaktsüogo.