Dimapur police-i taküm Aami/June ita tashi nung nisung 107 apu

Dimapur, Chiteni/July 02, 2018 (TYO): Aami/June 25, 2018 nü Lotha Church construction site, Dimapur nung Dimapur Police-i sen akhanger ka tenüng agi, Tovi Yeptho (arishi küm 26) SS Secy NNC Non-Accordist apu, aser pa ket nungi assignment order NNC-Non Accordist copy ka, GPRN Secretarial Tatar Hoho Parliamentary etiquette copy ka aser shishilembartem tenüng aika zülua aliba apu; iba dak sendakba nung West Police Station nung ken o ka benokogo, ta tanü Addl. Dy. Commissioner of Police/PRO, Dimapur, Nagaland-i sangdong ka nung metetdaktsü.
Ano Aami/June 30, 2018 nüa Dimapur Police-i Ghorapati area nung sen akhanger ka tenüng agi, Inato Chophy (arishi küm 26) Po/Ps Aghunato, apu aser pa ket nungi sen 11,500 puogo, aser iba dak sendakba nung East Police Station nung ken o ka benokogo, ta kasa sangdong ajanga metetdaktsü.
Maneni Chiteni/July 02, 2018 nüa Dimapur Police-i Purana Bazar nung aliba petrol pump ka nung NNC(N/A) nungi nisung ka tenüng agi, Husuka Achumi (arishi küm 36) apu; pa ket nung sen akhangba slip aser sen 10,000 apu; iba dak sendakba nung East Police Station nung ken o ka benokogo, ta kasa sangdong nung shia lir.
Tang nisung asem apubaji densemabo taküm January-June tsüngda Dimapur Law Enforcement Agency-i nisung ajak agi parnok 107 puogo aser kasa mapang nung sen akhangba dak sendakba nung police station balala nung criminal case 70 benokogo, ta sangdong nung shia lir.
Item ken o dak sendakba ung kasa mapang nung sen ajak agi sen 10,22,457 den prangpong 10 aser injang 183 pua judicial custody nung agutsü, ta Addl. Dy. Commissioner of Police/PRO, Dimapur, Nagaland sangdong ajangasa metetdaktsüogo.