Dimapur Police-i tanur ka ngua lir

Dimapur, November 10 (TYO) : East Police station, Dimapur-i November 08, 2016 nü Golaghat Road nung tebur chanu arishi küm 13-14 tsüngda ka ngua liasü. East police station-i iba tanurji CHILDLINE Dimapur nem bendanga agütsü, ta CHILDLINE Dimapur nung Centre coordinator Lozua Kape-i sangdong ka ajanga metetdaktsü.
Tebur chanusang jagi pa Dimapur-i ita ana tejakdang anir aru aser Naga nunger kibong ka nung yaritepa liasü, ta ashiba kasa sangdong nungji shia lir.
Iba tanur tenüng aser temetettsütem teküboklen agüja lir aser par kinunger mesüra tsürabur/Guardian meteta alirtemi mobile phone mashi ka nungi jembitetba CHILDLINE Toll free number 1098 mesüra phone aser mobile number 03862-280884/ 09615297709 ajanga iba osang tejangja agiteptettsü.
Tanur tenüng : Robin Karmakar
Arishi küm : 13/14
Tebu tenüng : David Karmaka
Tetsü tenüng : Mariam Karmaka
Kibong nung tanur : 7
Kin : Adivasi
Talidak :Vijaypur, Golaghat District, Assam.