Dimapur Police-i tashiyim agi sen sarur 2 apu

Dimapur, November 30 (TYO): November 29, 2016 nü Dimapur Police nung Zone II kübok Anti-Extortion Team (AET)-i Notun Bosti tesem nung shishilembartem dang nungi Trade License Tax sarur ka apu.
Iba nisungji Senapati, Manipur nung Kashipru’er jabaso Kennedy Poumai ta jangjaogo aser pa ya NSCN/GPRN (IM) nung ‘Rajapeyu’ inyaker ta angazüker, ta Addl. Dy Commissioner of Police/PRO, Dimapur-i sangdong ka nung metetdaktsü.
Pa ket nungi taitsü aketba kulikakettem aser sen bena alia apu, ta sangdong nungsa shia lir.
Ano, November 30, 2016 Zone-II kübok Anti- Extortion Team (AET)-isa Marwaripatti area nung shishilembartem dang nungi tashiyim agi sen sarua senzür ka apu.
Iba nisung Kholeboto, Zunheboto nung asür Likayi Awomi’er jabaso Vikheto Awomi ta jangjaogo aser pa ya NSCN(K) nung ‘Sergeant Major’ inyaker ta angazüker, ta Dimapur Police sangdong nungsa shia lir.