Dimapur Police-i traffic temzüng kar metetdaktsür

Dimapur, February 17 (TYO) : Dimapur Police-i sangdong ka nung Traffic inyakyim kar metetdaktsüogo.
1. February 22, 2016 nungi tsünglanglen agüja aliba mapang nung Old Dhansiri Bridge nung traffic anatsülen senzütsü melatsü. Iba inyakyim ya Light Vehicles atema dang lir aser iba lenmang nung Heavy Vehicles senzüba noktanger.
– Anepdang 06:00 ako nungi nikongtsütsü 02:00 ako tashi UP vehicles (Town area nungi aoertem).
– Nikongtsütsü 02:00 ako nungi aonung 08:00 ako tashi DOWN vehicles (Town area-i arurtem).
2. R.T.A, Dimapur nungi temelaba agütsüba ama police-i Autorickshaw Driver aser Owner temetettsü aliba certified cards agütsütsü aser iba ya February 22, 2016 nungi agütsütsü. Anungji Dimapur District kübok senzüba aAutorickshaw ajaki iba Card sayutsüla aser iba ozüng ya April 1, 2016 nungi mapa küma tenzüktsü.
3. Inter-state bus gari ajak Purana Bazaar nung aliba I.S.B.T-i belenogo. Anungi passenger temi Terminus nungi bus service teyari agitsü metetdaktsür.
4. Gari aser two wheeler anirtem ajaki Traffic temzüng sülen anidaktsü metetdaktsür mesüra temerenshi angutsü. Lenmang nung gari double row manentsüla aser No Parking o No Entry tetuyuba agüja alibaji sodi anogo mesüra Deobartem ajak dena teti atema lir, ta Addl. Dy Commissioner of Police/PRO, Dimapur-i sangdong nung metetdaktsü.