Dimapur Police-i traffic tetuyuba agütsür

Dimapur, Rongjui (September) 4 (TYO): Dimapur kübok Dhobinalla Point anasa traffic timtem ajema kümdaktsütsü atema Zeliangrong Colony nungi aruba gari ajak Faith Hospital tsütsülen nungi aotsü metetdaktsür, ta Addl. Dy. Commissioner of Police/PRO, Dimapur-i metetdaktsü.
Maneni, Dhobinalla nungi Zeliangrong Colony-i aoba lenmangji “ENTRY ONLY” atema dang asütsü, ta paisa ashi.
Traffic maparen tajungba akümtsü atema iba tetuyuba sülen nübortemi anidaktsü mepishir, ta Addl. Dy. Commissioner of Police/PRO-isa metetdaktsü.