Dimapur Police-i traffic tetuyuba agütsür

Dimapur, Mongputeni (October) 12 (TYO): Dimapur nung traffic khuret ajema kümdaktsütsü atema Dimapur Traffic Police-i Delux Point nungi Plaza Point aser Clock Tower nungi Dhobinallah Point tashi four (4) aser Two (2) wheelers anentsü tesem lemzükja lir.
Anungji drivers/riders-i pei pei anentsüba tesem nung dang anentsüla aser Traffic temzüng aser tetuyuba kübok anidaktsü metetdaktsür mesüra aibelenertem merenshi, ta Addl. Dy. Commissioner of Police/PRO, Dimapur sangdong ka nung metetdaktsü.
Durga Puja amungtsü aliba dak sendakba nung October 17 aser 18, 2018 anogotem aonung 06:00 ako nungib 11:00 ako tashi Durga Mandir Junction nungi Naga Bazar Junction tashi “One way only” asütsü, ta sangdong nungsa shia lir.

You must be logged in to post a comment Login