Dimapur Press Club ajanga asükhu lemsateper

Dimapur, Chiteni/July 29 (TYO): Dimapur Press Club indang Information and Publicity Secretary, Kanili Kiho tebu Suhoje Kiho asüba atema mang ayimer, ta Dimapur Press Club sangdong ka ajanga ashi.

Pa ya mapang tatsüka shiranga arur Dimapur nung mozüki ka nung Hombar nikongdang asü. Tang mangyimba mapang DPC-i Kanili aser kinunger ajunga den asükhu lemsateper aser pai mapa tajung inyaka yutsüba bilemteta anisüngzük angutsü imlatsür.

Mangyimer kibong asoshi onoki sarasademtsür aser DPC nenok den teti lir aser akokba lenmang nung yariteptsü. Asür tanüla tesunep nung anisüngzükjang, ta DPC sangdong ajangasa ashi.