Dimapur Press Club-i mangyimer

Dimapur, January 03 (TYO): Nagaland Post reporter, Seyiekietuo Keretsü’er aianu, Neikemhieü Keditsu (Vibeizotuo Keditsu kinüngtsü), mapang talangka shiranga aruba sülen January 1, 2018 nü Kohima nung asüba osang angashia Dimapur Press Club (DPC)-i par kibong den mangyimer, ta tanü DPC Tir, Moa Longkumer aser tongti tezülur, Henlly Phom nati sangdong ka ajanga lemsatep.
DPC-i mangyimer kibong den tejashi lemsateper, iba den külemi ajak takoksang Tsüngremi asür tanela tatem makai tesünep nung anisüngzükdakjang ta sarasademtsür, ta kasa sangdong nungsa shia lir.